Recentiōra scrīpta Quirītibus
Discover more from Logodaedalī Aurifodīna
Recentiōra scrīpta Quirītibus
Duo colloquia et fabellae breves
COLLOQVIVM
VMBRA SIVE COLLOQVIVM LARVALE
Cum sermō latīnus in Discordiā omnīnō vigeat, jucunda in hīs colloquiīs atque salsa saepe ēveniunt. Legās enim quōmodo noster amīcus Andreās Lodfrēdus mortuus sit.
PRAEFATIVNCVLA
Salvēte quirītēs! Hoc colloquium, quod vōbīs praebeō hodiē, ipse verbī faber mērus nōn scrīpsī, nam vērōs cōdicillōs ex grege Discordiae magnō linguae latīnae dicātō tantum collēgī et eōs suō locō disposuī.
Andreās Lodfrēdus Cucullātus, Rota glaciēī ignisque et Jōhannēs italus, sodālēs clārissimī illīus gregis, pārem laudem merent.
COLLOQVIVM LARVALE
Logodaedalus: Salvēte gerrōnēs!
Andreās Lodfrēdus Cucullātus: Quid ais? Ego gerrō haud sum!
L.: Rēctē dīcis, immō nebulō es.
A.: Huic contrā nōn dīcam.
L.: Sānē jocor frāter.
Cultrum parat.
COLLOQVIVM
LVDVS SCACCORVM SIVE COLLOQVIVM DE REGVLIS SCACCILVDII
Scaccōrum lūdus est proelium inter duōs lūsōrēs, quī prō sē sēdecim scaccīs in propriā regiōne locātīs ūtuntur. Latrunculī in tabulā lūsōriā quadrātā moventur, cujus lātera distinguuntur in octō ōrdinēs vel columnās…
AGONOPHILVS, PALAMEDES
Agonophilus: Salvē etiam atque etiam, amīcōrum optime.
Palamēdēs: Ohe, salvē tū quoque, Agonophile. Cūr tam trīstem faciem habēs?
Ag. Quia nimis stultus sum ut lūdere scaccīs valeam.
Pa. Dēsine blaterāre. Perdidistīne?
Ag. Immō dēlētus sum. Adversārius duābus vicibus mē vīcit.
Pa. Papae! Mattum stultī agnōscō. Nostīne lēgēs?
Ag. Sānē.
Pa. Iterāre eās tibi nōn nocēbit. Mēcum alveum et latrunculōs semper habeō. Ab ōvō incipiam. Placetne?
Ag. Placet. Praeterī tamen, quaesō, historiam trītam hujus lūdī. Multī enim verba cassa super scaccōrum orīgine cōnsūmant.
FABELLAE
FABELLAE DE PROIECTIONE ASTRALI ET ALIIS
Em vōbīs trēs fābellae illīus generis quod Anglicē “copypasta” appellātur.
Hodiē, cum in prōjectiōne astrālī essem, Allah invocāvī ad eum sīc comminuendum ut nostra carmina melius operarentur. Is tam potēns est, ut sōla hōc facere nequiverim. Vix mortem effūgī et animō magnopere injūriam accēpī, sed sentiō mē in vītā mānsūram esse. Mente concipere nequeō quid is facere novae incautaeque magae possit. Vereor nē eī brevī obviam eam sī aliquandō prōjectiōnem astrālem pergere velim. Nunc salūtāre tūs incendō et animī vim ex meīs crystallīs trahō ut quam citatissimē cōnsānescam.