Hodiē tibi lēctōrī mē novissimam accessiōnem meīs epistulīs adjūnxisse nūntiō: Logodaedalī Aurifodīnae subscrīptōrum grex.
Hic est locus in Substaciī programmate ad colloquendum inter nōs quem īnstrūxī prō sōlīs subscrīptōribus. Quaestiōnēs, brevia cōgitāta et alia quae obviam sunt dīvulgābō.
Ut gregī intersīs, Substaciī programma tibi est exprōmendum, nam gregis nūntia nōn per epistulam, sed per programma mittuntur. Sī extemporāliter interesse colloquiō vīs, nōtificātiōnēs tibi accipiendae sunt.
Quōmodo incipiendum est
Exprōme programma aperiendō nexum vel pulsandō orbiculum īnfrā. In praesentī programma tantummodo Mālī in tabernā est, sed mox Androidis in tabernā ad manum erit.
Aperī programma et pulsā gregis īconem, quae speciem duārum bullārum ad īmam scidulam praebet, et vidēbis intrīnsecus ōrdinem gregum.
Hīc Rhodus, hīc saltā! Venī, dīc salvē et, sī quaestiōnēs tibi sunt, investīgā Substaciī frequentia rogāta.
Jam incohāvī meum prīmum volūmen!