Exordium
Cum hoc anno Romae electiones summi Capitolii subsellii essent, tota Italia oculos intendit in Urbem, quae multis malis afflicta est. Qui comitiales disputationes effugere videbatur, quodam die Virginia Ragius, Motus V Stellarum candidata, Henricum Michetti, mediae-dexterae partis candidatus, improbare per nuntiolum latine scriptum statuit. Inde res pyrotechnica orta est, id est ut Alexius Cosanus ait:
En dialogus, cuius tantum latinitatem emendavi.
Dialogus
Virginia Ragius: Henrice, lacesso te. Coram populo loquamur, si animus non defecit te.
Laurentius Centumcellensis: Anno domini MMXXI ante domum meam merda est. Venite et mundate! Dii vos perdant…
Constantinus de Blasiis: Virginia, hoc modo intelleges Romam plenam esse quisquiliarum.
Edoardus: Num coram populo? Si in publica via apri transeuntes et montes quisquiliarum sinent populum pervenire ad locum provocationis.
Angelus: Roma purganda est. Quisquiliae incedunt. Aut tace aut loquere meliora silentio.
Aristogeiton: Ruit hora. Infra duas hebdomadas Romae non praeeris amplius.
Franciscus Lepore: Cur tu, Virginia misella, linguam Latinam minime intellegens, tali sermone uteris? Cur potius tu, quae his praeteritis annis populum Romanum male rexisti, Capitolii denuo ascendendi consilium in perpetuum non deponis?
Conclusio
Profuitne latina lingua Virginiae? Uter istorum vicit? Neuter, nam Robertus Gualtieri, Democraticae Factionis candidatus, victoriam tulit.